*💠முஸ்லிம் முதியோர் இல்லம்💠*
.
Shared By: *PiraiNilas MEDIA*
(Silmiyapura, Srilanka)
+94778 75 65 75
.
குறித்த ஒரு தினத்தில் விடுமுறை காரணமாக நான் விடுதியை விட்டு என் நண்பியோடு அவரின் வீட்டுக்கு விடுமுறையை கழிப்பதற்காக செல்கின்றேன்.
செல்லும் வழியில் குறித்த ஒரு விடயத்தை காண்கிறேன்.
வாகனத்தில் சென்ற படியால் அவ்விடம் கணப்பொழுதில் என்னைக் கடந்து செல்கின்றது. என் தோழியிடம் கூட அதனைக் காட்ட முன் அவ்விடத்தை நான் கடக்கின்றேன்.

எனக்கு வியர்த்து கொட்டுகிறது. என்னுள் ஏதோ இனம் பிரியாத கவலை குடி கொண்டது. அக்கணம் என் மனதுள் ஆயிரமாயிரம் கேள்விகள்.. விடை காணா கேள்விகள்..
யோசனைகள் பலதை மனதில் சுமந்தபடி செல்கின்றேன்.

அன்று மாலையில் நான் என் தோழியிடம் நான் கண்ட அந்த விடபயம் பற்றி உறையாடுகின்றேன். ஆம் 
நான் வரும் வழியில்  கண்டது"முஸ்லிம் முதியோர் இல்லம் " என்ற பெயர் பலகை ஒன்றைத் தான்.
"முதியோர் இல்லம்" என்ற வார்த்தை எனக்குப் புதிதல்ல. ஆனால் என் வாழ்வில் முதன்முறையாக நான் "முஸ்லிம் முதியோர் இல்லம் " என என் கண்களால் கண்டது அன்று தான். எனக்கு அது ஒருபக்கம் ஆச்சரியமாகவும் இன்னொரு பக்கம் கவலையையும் தந்தது.
சில சந்தர்ப்பங்களில் நான் என் வேற்றுமத நண்பர்களிடம் இது குறித்து பேசும் போது எங்கள் மார்க்கத்தில் இப்படியான முதியோர் இல்லங்கள் இல்லை. நாங்கள் முஸ்லிம்கள். முஹம்மத் நபியின் சமூகம். 
எங்கள் மார்க்கமும் முஹம்மத் நபியும் எங்களுக்கு பெற்றோர்களுக்கு அன்பு செலுத்தி அவர்களை மரியாதையாக நடத்துமாறு கூறுன்றது. என்றெல்லாம் நான் பேசியது என் கண் முன் வருகின்றது. 

எம் பெற்றோர் எம்மைப் பெற்று சொல்லொனா துன்பங்களை அனுபவித்து  எம்மை சுகதேகியாக வளர்த்து, அல்லும் பகலும் உழைத்து படிக்கவைக்கின்றனர்.
எம்மை கவனித்தே அவர்களின் வாழ்க்கை கழிகின்றது. 
ஆனால் பிள்ளைகள் தம் பெற்றோர்களை தம் கண்களைத் போல் கவனிக்க வேண்டியவர்கள் அவர்களை முதியோர் இல்லங்களில் சேர்க்கின்றனர்.
ஒரு கணம் சிந்தித்துப் பாருங்கள்.
உங்களை உங்கள் பெற்றோர் சிறுவர் இல்லங்களில் சேர்த்து இருந்தால் உங்கள் நிலையை எண்ணிப் பாருங்கள்.
உங்களுக்கு initial தேவைப்படும்  போது மட்டும் தந்தையின் பெயர் தேவைப்படுகிறது.  
உங்கள் பெயருடன் இறுதி வரை எவ்வாறு  initial உள்ளதோ அவ்வாறே உங்கள் பெற்றோர்களை இறுதி வரை நீங்களே கவனியுங்கள்.
பெற்றோருடைய திருப்பதியை, அவர்களுடைய துஆவைப் பெற முயலுங்கள். 
உங்கள் பெற்றோருடைய திருப்பதியில் தான் அல்லாவின் திருப்பதியும் இருக்கிறது என்பதை மறவாதீர்கள்.

ஒரு முறை ஒரு சஹாபி அழுது கொண்டிருக்கும் போது அவர் அழுததற்கான காரணம் கேட்கப்பட்ட போது தான் சுவனம் செல்வதற்கான வாயில்களில் ஒன்று மூடப்பட்டது என தன் தாய் இறந்ததைக் கவலையோடு தெரிவித்ததாக கூறுகின்றார்.

நபியவர்கள் கூட தன் பெற்றோர் உயிருடன் இல்லை என்பதையிட்டு வருந்தியதாக வரலாற்றில் காணலாம்.

நீங்கள் சுவர்க்கத்தை அடைவதற்கான வாயில் தான் உங்கள் பெற்றோர்கள். 

நபி வழியில் வாழ முயலுங்கள்.
இன்ஷா அல்லாஹ் வெற்றி நிச்சயம்.

_பாதிமா ஷமீரா அப்துல் வாஹிட்_
_சில்மியாபுர._
.
*சிந்தியுங்கள்...செயல்படுங்கள்...*
.
*படியுங்கள்... பகிருங்கள்...*
.
--------------------------
*படித்ததில் பகிர்வது (238)*
    11  - APR - 2017
--------------------------
.
💎❄💎❄💎❄💎❄💎❄
.
*PiraiNilas MEDIA* உடன் இணைய:
உங்கள் *பெயர் முகவரியை Whatsapp இல் அனுப்பவும்*
(broadcast / Not a Group )
*+94778756575*
.
*Twitter*: @PiraiNilas
SMS: Type: F PiraiNilas & send 40404 
Link: www.twitter.com/PiraiNilas
.
 *Facebook Page:* PiraiNilas MEDIA
https://www.facebook.com/PiraiNilas
.
*Facebook Account:*
PiraiNilas TWEETS
https://www.facebook.com/pirainilas.tweets

தஹஜ்ஜூத் தொழுகையின் சிறப்பு

1.பர்ளான தொழுகைக்கு அடுத்த அந்தஸ்த்து தஹஜ்ஜுத் தொழுகைக்குத்தான்

2.கப்ரில் ஒளி கிடைக்கிறது

3.முகத்தில் ஒளி உண்டாகிறது

4.எல்லா நோய்களையும் நிவாரணமாக்குகிறது

5. இருதய நோயை விட்டுப் பாதுகாக்கின்றது

6. சிறிய பாவங்களெல்லாம் மன்னிக்கப் படுகின்றன

7. அமல்களில் இக்லாஸ் உண்டாகின்றது

8.எந்த கண்களும் பார்த்திராத எந்த காதுகளும் கேட்டிராத எந்த உள்ளமும் சிந்தித்திராத பெரிய நிஃமத்துக்களை அல்லாஹ் அளிப்பான்

9.பாவ காரியங்கள் செய்வதை விட்டும் தடுக்கின்றது

10. அல்லாஹ்வுடைய நெருக்கம் கிடைக்கின்றது

11.இல்மில் பிரகாசம் உண்டாகிறது

12. மனதை விசாலமாக்குகின்றது

13. ஆயுளை அதிகரிக்கின்றது

14. மேலும் அத்தொழுகையை நிறைவேற்றியவருக்கு சொர்க்கத்தில் ஒரு கண்ணாடி மாளிகை கிடைக்கும் அம்மாளிகையின் வெளியே இருந்து பார்த்தால் உள்ளே உள்ளதெல்லாம் தெரியும். உள்ளே இருந்து பார்த்தால் வெளியே உள்ளதெல்லாம் தெரியும்

15. சுவார்க்கத்தில் ஒரு மரம் உள்ளது. அதன் மேல் பட்டாடைகள் வெளியாகின்றன அதன் அடியில் யாகூத் என்னும் முத்துக்களால் அலங்கரிக்கப்பட்ட குதிரை இருக்கும் அந்த குதிரையில் தஹஜ்ஜுத் தொழுபவர்கள் தாம் நாடிய இடத்திற்கெல்லாம் செல்லலாம்

16. உள்ளமும் நாவும் ஒன்றுபடுகிறது

17. என்னுடைய உம்மத்திற்கு சிரமமில்லை யென்றிருந்தால் இத்தொழுகையை நான் கடமையாக்கி இருப்பேன் (ஹதீஸ்)

18. (1) தஹஜ்ஜுத் தொழுகையை நிறைவேற்றுதல் (2) நோன்பு நோற்றல் (3) அல்லாஹ்வின் பாதையில் ஜிஹாத் செய்தல் (அதாவது தீனுடைய முன்னேற்றத்திற்காக பாடுபடுதல்) (4) அல்லாஹுதஆலா சொர்க்கத்தில் பறக்கும் குதிரையை அளிப்பான் (ஹதீஸின் கருத்து)

19. எவரொருவர் தஹஜ்ஜுத் தொழுகையை நியமமாக (தொடர்ந்து) தொழுது வருவாரோ அவர் அல்லாஹ்வுடைய (நேசராக) வலீயாக மரணமடைவார். அல்லாஹ்வுடைய நேசர்களுக்கு பயமென்பது கிடையாது. மேலும் கவலைப் படவும் மார்டார்கள் என்று அல்லாஹு தஆலா கூறுகிறான்

20.தஹஜ்ஜுத்துடைய நேரத்தில் துஆக்கள் ஏற்றுக் கொள்ளப்படுகின்றன.

தூக்கத்தை விட தொழுகையே மேலானது கொஞ்ச நேரம் தூக்கத்தை விட்டு தொழுது பாருங்களேன் என்னிலடாங்க சந்தோஷமும் நிம்மதியும் கிடைக்கும்.

*என்னைக் கவர்ந்த வாசகங்கள்...*
✳பேசி தீருங்கள்.
பேசியே வளர்க்காதீர்கள்.
✳உரியவர்களிடம் சொல்லுங்கள்.
ஊரெல்லாம் சொல்லாதீர்கள்.
✳நடப்பதைப் பாருங்கள்.
நடந்ததைக் கிளறாதீர்கள்.
✳உறுதி காட்டுங்கள்.
பிடிவாதம் காட்டாதீர்கள்.
✳விவரங்கள் சொல்லுங்கள்.
வீண்வார்த்தை சொல்லாதீர்கள்.
✳தீர்வை விரும்புங்கள்.
தர்க்கம் விரும்பாதீர்கள்.
✳விவாதம் செய்யுங்கள்.
விவகாரம் செய்யாதீர்கள்.
✳விளக்கம் பெறுங்கள்.
விரோதம் பெறாதீர்கள்
✳சங்கடமாய் இருந்தாலும்
சத்தியமே பேசுங்கள்.
✳செல்வாக்கு இருந்தாலும்
சரியானதைச் செய்யுங்கள்.
✳எதிர் தரப்பும் பேசட்டும்.
என்னவென்று கேளுங்கள்.
எவ்வளவு சீக்கிரம் தீர்வு வரும் பாருங்கள்.
✳நேரம் வீணாகாமல்
விரைவாக முடியுங்கள்.
✳தானாய்த்தான் முடியுமென்றால்,
வேறு வேலை பாருங்கள்.
*யாரோடும் பகையில்லாமல் புன்னகித்து வாழுங்கள்....* 

🎭வாழ்க்கை குறுகியது, 
ஆனா 
அழகானது...

1) இல்ங்கையில் முதலாவது மத்திய மகாவித்தியாலயம் எங்கு அமைக்கப்பட்டது?
    : மத்துகம

2)மத்திய மகாவித்தியாலயங்கள் எத்தனை?
      54

3) இலங்கை ஆசிரியசேவையில் எத்தனை தரங்கள் உள்ளன?
       5. ( தரம் 3-11,3-1,2-11,2-1,1)

4)இலங்கையிலுள்ள தேசிய கல்வியியற் கல்லூரிகள் எத்தனை?
        19

5) முதலாவதாக அமைக்கப்பட்ட  தேசிய கல்வியியற் கல்லூரி எது?
      மகாவலி தேசிய கல்வியியற் கல்லூரி

6) சுதந்திர. இலங்கையின் முதலாவது கல்வியமைச்சர் யார்?
        ஈ.ஏ.நுகாவெல

7)இலவச சீருடைக்கு பதிலாக பண வவுச்சர் வழங்கும் நடைமுறை எப்போது நடைமுறைப்படுத்தப்பட்டது?
        2015

8) கட்டாய கல்வி  வயதெல்லை யாது? 
          5-16 வயது (20/4/2016)

9)"' மகாபொல'" புலமைப்பரிசில் திட்டத்தை ஆரம்பித்தவர் யார்?
          லலித் அத்துலக் முதலி
10) "கல்வியின் புதியபாதை" எப்போது வெளியிடப்பட்டது?
          1972
11) தேசிய பாடசாலைகள் எப்போது உருவாக்கப்பட்டது?
           1987

12)இலங்கையில் தற்போது எத்தனை தேசியபாடசாலைகள் உள்ளன?
            353

13)இலங்கையிலுள்ள கல்வி வலயங்கள் எத்தனை?
           98

14)தேசிய கல்விக்குறிக்கோள்கள் எத்தனை?
             8

15)தேசிய கல்விக்கொள்கையை வடிவமைக்கும் அமைப்பு எது?
          தேசிய கல்வி ஆணைக்குழு

16) கலைத்திட்டத்தை வடிவமைப்பதில் பங்காற்றும் அமைப்பு
          தேசிய கல்வி நிறுவகம்

17)இலங்கையில் கல்விப்பீடமுள்ள பல்கலைக்கழங்கள் எவை?
             கொழும்பு பல்கலைக்கழகம்,திறந்த. பல்கலைக்கழகம்

18) யுனெஸ்கோவின் 4தூண்களும் எவை? 
 அறிவதற்காககற்றல்,       செயலாற்றுவதற்காக கற்றல்,    வாழக்கற்றல்,
 இணைந்து வாழக்கற்றல்

19) பரிஸ் பாடசாலைகள் யாரால்      ஆரம்பிக்கப்பட்டது?
          போர்த்துக்கேயரால்

20)ஆங்கில பாடத்துக்கென ஆரம்பிக்கப்பட்ட தேசிய கல்வியியற் கல்லூரி எது?
    பேராதனிய தேசிய கல்வியியற்   கல்லூரி,பெனிதெனிய

21)அடிப்படை கற்றல் தேர்ச்சிகள் எவை?
 @ சூழல் தொடர்பான தேர்ச்சி
 @தொடர்பாடல் தேர்ச்சி
 @சமயமும் ஒழுகலாறும்
 @விளையாட்டும் ஓய்வுநேர பயன்பாடும்
 @கற்கக் கற்றல் 
 @வேலையுலகிற்கு தயார் செய்தல்
 @ஆளுமை தொடர்பான தேர்ச்சி

22) இலங்கையிலுள்ள அரச பல்கலைக்கழகங்கள் எத்தனை?
       15

23)c.w.w கன்னங்கராவினால் ஆரம்பிக்கப்பட்ட கிராமிய கல்வித்திட்டத்தின் பெயரென்ன?
         ஹெந்தஸ(1932)

24)முன்பள்ளிகளை கட்டுப்படுத்தும் அமைப்பு எது?
          உள்ளூராட்சி மன்றங்கள்

25)பொது போதனா திணைக்களம் எப்போது ஆரம்பிக்கப்பட்டது?
         1869

26) கல்வியியற் கல்லூரி ஆண்டு எப்போது?.  
    1987

27)குடியரசு,சட்டம் ஆகிய நூல்களை எழுதிய கல்வி சிந்தனையாளர்?
         பிளேட்டோ

28)"கல்வியும் தத்துவமும் ஒரு நாணயத்தின் இருபக்கங்களை போன்றன" என்று கூறியவர்?
            W.றோஸ்

29)அரசியல் என்ற நூலை எழுதியவர்?
              அரிஸ்ரோட்டில்

30)அனுபவங்களை அனுபவங்களுடாக அனுபவங்களாகவே பிள்ளைகளுக்கு பெற்றுக்கொடுக்க வேண்டுமென வலியுறுத்தியவர்?
                ஜோன் டூயி

31)கட்டாய கல்வி சட்டமூலமாக்கப்பட்டது எப்போது?
             1997(1003/05)

32)உட்ப்படுத்தல் கல்வியாண்டு எப்போது?
             2012

33) "எமிலி" எழுதியவர்?
               ரூசோ

34) உளப்பகுப்பு கொள்கை?
                 சிக்மண்ட் புரொய்ட்

35)மகாத்மா காந்தியின் 3H எவை?
             கை,தலை,இதயம்

36)3 Tயினால் தரப்படும் ஆசிரிய வகிபாகங்கள்?
          கடத்தல்,பரிமாற்றல்,நிலைமாற்றல்

37)தற்போது அமுலிலுள்ள கல்வி கட்டளைச்சட்டம்
             1939, 31ம் இலக்க கல்வி கட்டளைச்சட்டம்

38)திறந்த பல்கலைக்கழகம் எப்போது அமைக்கப்பட்டது?
              1980

39)சுயமொழிப்போதனை எப்போது 
          1956

40) இலங்கையிலுள்ள அரசபாடசாலைகள்(2016 டிசம்பர்) எத்தனை?
                10162
41)தற்போதைய தரவுகளின்படி(2016) பாடசாலைகளில் ஆசிரியர் மாணவர் விகிதம்
               1:18

42) தொழினுட்பதுறைக்கான கல்வியியற் கல்லூரி எங்கே அமைக்க உத்தேசிக்கப்பட்டுள்ளது?
           குளியாப்பிட்டிய

43)நாடாளவிய ரீதியில் தரம் 7 மாணவர்களின் தாங்கும் திறனை அறிய மேற்க்கொள்ளப்பட்ட செயற்றிட்டம்
              திடசங்கல்பம்

 44) முதலாவது திறன்வகுப்பறை (Smart class room) எங்கு அமைக்கப்பட்டது?
                 ஜயவர்த்தனபுர(ஆண்கள்) மகாவித்தியாலயம்9

*பிரச்சினை* ❌ *அசௌகரியம்*

பல வருடங்களுக்கு முன்பு *ரீடர்ஸ் டைஜஸ்டில்* ஒரு கட்டுரை படித்தேன். அமெரிக்க கப்பற்படையில் மிகப் பெரிய பதவி வகித்து ஓய்வு பெற்ற ஒருவர் *"நான் படித்த மிகப்பெரிய பாடம்"* என்ற தலைப்பில் அவர் வாழ்க்கையில் கற்ற பாடத்தைப் பற்றி எழுதி இருந்த கட்டுரை அது.
அவர் கப்பற்படையில் சிறிய பதவியில் இருந்த காலம் அது. நடுக்கடலில் இருந்த ஒரு கப்பலில் ஏதோ சிரமமான வேலை அவருக்கு ஒதுக்கப்பட்டிருந்தது. வேலைப் பளு அதிகம் இருந்த ஒரு நாள் வேறு சில கூடுதல் பணியும் அவர் தலையில் விழ அவருக்கு கோபம் தாளவில்லை. நேராக தன் உயரதிகாரியான கப்பலின் கேப்டனிடம் சென்று கோபத்தில் கத்தினார். "முதலிலேயே என் பணிக்கு உதவியாளரை தரவில்லை. இப்போது இது போல் கூடுதல் வேலை வேறு தருகிறீர்கள். எனக்கு பிரச்சினைக்கு மேல் பிரச்சினை(problem) தருகிறீர்கள்." என்கிற ரீதியில் சுமார் கால் மணி நேரம் விடாமல் பொரிந்து தள்ளினார். அவர் பேசியதில் பிரச்சினை என்ற சொல் பல முறை உபயோகப்படுத்தப்பட்டது.
எல்லாவற்றையும் பொறுமையாகக் கேட்ட கப்பலின் வயதான கேப்டன் அமைதியாகச் சொன்னார். "நீ பேசும் போது பிரச்சினை என்ற வார்த்தையை அதிகம் பயன்படுத்தினாய். *பிரச்சினை* *(problem)* என்றால் என்ன என்று உனக்குத் தெரியுமா? உனக்கு முதுகுத் தண்டு முறிந்து போய் படுத்த படுக்கையாய் இருக்கிறாய். அது குணமாக வருடக்கணக்காகும் என்றால் அது பிரச்சினை. உன் வீடு எரிந்து போய் இருக்கின்ற எல்லாவற்றையும் இழந்து நீ நடுத்தெருவில் நின்றால் அது பிரச்சினை.... ஆண்டாண்டு காலம் முயன்றால் மட்டுமே சரி செய்ய முடியும் அல்லது சரி செய்யவே முடியாது என்கிற வகையில் வருவது மட்டுமே அது பிரச்சினை. இது போன்ற பிரச்சினைகள் மனிதனின் வாழ்க்கையில் ஓரிரண்டு வரலாம். வராமலும் இருக்கலாம்".
"மற்றபடி நீ பிரச்சினை என்ற பெயரில் சொல்கின்ற எல்லாமே *அசௌகரியங்கள்(in*
*conveniences)* இது போன்ற அசௌகரியங்கள் வாழ்க்கையில் நிறைய வரும். அந்தந்த சமயத்தில் இவை பெரிதாகத் தோன்றும். ஆனால் மணிக் கணக்கிலோ நாட்கணக்கிலோ இவை சமாளிக்கப்பட்டு மறக்கப்படக் கூடியவை. பின்னாளில் யோசித்துப் பார்த்தால் அற்ப விஷயமாகத் தோன்றும். இப்போது ஆத்திரப்படும் உனக்கே ஆறு மாதம் கழித்து நினைத்துப் பார்க்கையில் இது அவ்வளவு பெரிய விஷயமாய் தோன்றாது."
"நான் சொல்வதை நன்றாக நினைவு வைத்துக் கொள். நமது வாழ்க்கை முழுவதும் எல்லாக் கட்டங்களிலும் இது போன்ற அசௌகரியங்கள் நிறையவே இருக்கும். இதற்கெல்லாம் பிரச்சினை என்ற பெயரிட்டு வாழ்க்கையைப் பார்த்தால் நீ என்றுமே மகிழ்ச்சியாய் இருக்க முடியாது"
அந்த வார்த்தைகளைக் கேட்ட பிறகு எல்லாவற்றையும் ஒரு புதிய கண்ணோட்டத்துடன் பார்க்கத் துவங்கியதாய் அந்த அதிகாரி அந்தக் கட்டுரையில் பின்னாளில் எழுதினார். "அவர் சொன்னது மிகப்பெரிய பாடமாக எனக்கு இருந்தது. அன்றிலிருந்து நான் எனக்கு சிக்கலை ஏற்படுத்தும் சூழ்நிலைகள் வரும் போதெல்லாம் அது உண்மையான பிரச்சினையா, இல்லை அப்போதைய அசௌகரியமா என்று என்னையே கேட்டுக் கொள்ள ஆரம்பித்தேன். நம் வாழ்க்கையில் அசௌகரியங்களைத் தான் அதிகம் சந்திக்கிறோம் என்றும் உண்மையில் அவை அவ்வளவு பெரிய விஷயங்கள் அல்ல என்றும் புரிய ஆரம்பித்தது. கோபம், வருத்தம் எல்லாம் குறைய ஆரம்பித்து பொறுமையும், அமைதியும் என்னில் பெருக ஆரம்பித்தது"
அந்தக் கட்டுரை எனக்கும் பெரிய விழிப்புணர்வை படித்த அன்று ஏற்படுத்தியது. அன்றிலிருந்து அசௌகரியமா, பிரச்சினையா என்று ஒவ்வொரு கஷ்டமான சூழ்நிலைகளில் நானும் என்னைக் கேட்டுக் கொள்ள ஆரம்பித்தேன். சரியான பெயரில் அணுகும் போதே அதை சமாளிப்பது எளிதாகிறது. அசௌகரியத்தின் சக்தி எல்லாம் அந்தந்த நேரத்திற்குத் தான். நிதானம் இழக்காமல் இருந்தால் தூசைத் தட்டுவது போல் அதைத் தட்டிக் களைய முடியும். அப்படி முடியாததை அந்த நேரத்தில் சற்றுப் பொறுமையாக தாக்குப் பிடித்தால் அந்தக் கட்டத்தை சுலபமாக கடக்க முடியும். அந்தக் கேப்டன் சொன்னது போல வாழ்க்கையில் நாம் பிரச்சினையாகக் கருதுவதில் பெரும்பாலானவை அசௌகரியங்களே.
நம்மில் எத்தனை பேர் அசௌகரியங்களை பூதக்கண்ணாடி மூலம் பார்த்து அதற்குப் பிரச்சினை என்று பெயரிட்டு தேவைக்கும் அதிகமாக கொந்தளித்து, நிஜமாகவே பிரச்சினை ஆக்கி, மற்றவர்கள் மன அமைதியையும், நம் மன அமைதியையும் இழந்து அல்லல் படுகிறோம். பல சமயங்களில் நாம் அப்படிப்பட்ட 'பிரச்சினை'யைக் கைவிடுவது எப்போதென்றால் அடுத்த 'பிரச்சினை' ஒன்று வரும் போது தான்.
நீங்களும் நிதானமாக யோசியுங்கள்- உங்கள் பிரச்சினை உண்மையில் பிரச்சினை தானா? இல்லை இப்போதைய அசௌகரியமா? இப்போதைய அசௌகரியம் என்றால் அப்படி உணரும் போதே மன உளைச்சல் தானாகக் குறையக் காண்பீர்கள். அதை சரி செய்யப் பாருங்கள். அல்லது அலட்சியப்படுத்துங்கள். அதை சிறிது காலம் தாக்குப் பிடியுங்கள். அப்படிச் செய்தால் அவை சீக்கிரமாகவே விலகுவதைக் காண்பீர்கள். அவற்றிற்கு நீங்கள் தரும் நேரமும், கவனமும், சக்தி விரயமும் குறையும் போது உண்மையான ஓரிரு பிரச்சினைகளுக்கோ, தாங்கள் செய்ய வேண்டிய முக்கிய காரியங்களுக்கோ அந்த நேரத்தையும், அந்த கவனத்தையும், அந்த சக்தியையும் நீங்கள் தர முடியும். பிரச்சினைகள் இருந்தால் தீர்க்கவும், சாதனைகள் புரியவும் இந்த சிறிய பாகுபாடும், பக்குவமும் நிறையவே உங்களுக்கு உதவி புரியும்.

🌺 *வெயிலை வெறுக்காதீர்கள்*🌺

🌞வெயில் என்பது  இறைவனின் பெரும்  அருட்கொடையாகும்

🌞வெயிலின் உஷ்னசக்தியை கொன்டே உலகம் இயங்குகின்றது.

🌞பனிக்காலம்
மழைக்காலம்
குளிர்காலம்  இவைகளைவிட வெயில்காலமே மிகவும்  சிறந்ததாகும் ,

🌞வெயில் நம் மீது படும்போதுதான்  அதன்  சக்த்தியை  கிரகித்து நமது எலும்புகள் பலம் பெறுகின்றது.

🌞மூட்டுவலி  உள்ளவர்களுக்கு வெயில் அருமருந்தாகும் , தொற்று நோய் பரவல் கடும் வெயிலின் மூலமாகவே கட்டுபடுத்த படுகின்றது ,

🌞பல காய்கள் வெயிலினாலேயே பழமாகின்றது

🌞நமது உடலின் ரத்த ஓட்டம் வெயில்காலத்திலேயே  அதிகளவு உடலை சுற்றிவருகின்றது ,

🌞வெயிலின் சக்தியை கிரகித்தே மரங்கள் வளருகின்றன.. மழைகாலங்களில் குறைவான வளர்ச்சியையே மரங்கள் பெறுகின்றது...

🌞நீர் எந்தளவுக்கு  விவசாயத்துக்கு  முக்கியமோ அதே  அளவு வெயிலின் உஷ்ன சக்தியும் மிகவும்  அவசியமானதாகும்.

🌞வியர்வை எனும்  அற்புதமான உடல் கழிவுகளை வெளியேற்றும் நிகழ்வு வெயில் காலத்திலேயே அதிகம்  நிகழ்ந்து நமது ஆரோக்கியத்தை உயர்த்துகின்றது,

🌞இந்த வியர்வையின் மூலமாக  சிறுநீரகங்களின் வேலை பளுவும்...குறைந்து  சிறுநீரகங்கள் பலம் பெறுவதும் வெயிலினால்தான் நடைபெறுகின்றது...
இதை அனுபவிக்காமல்
ஏசி  ரூம்களில்  முடங்கி  கிடக்கலாமா?

*வெயிலை அனுபவியுங்கள்* *அத்துடன்  உங்களது  ஆரோக்கியத்தையும் அதிகரித்து கொள்ளுங்கள்

*H1N1வைரஸ் தொற்று*
~~~~~~~~~~~~~~~~~~~~
  Dr. Anfas farook


தற்பொழுது இலங்கையின் பல பகுதிகளிலும் டெங்குக் காய்ச்சல், H1N1 காய்ச்சல், டெங்குவை ஒத்த பிறிதொரு சாதாரண வைரஸ் காய்ச்சல் என்பன மிக வேகமாக பரவி வருவதோடு பல உயிர்களையும் பறித்துள்ளது. அடிப்படை சுகாதார நடவடிக்கைகளை முறையாக கடைபிடிப்பதன் மூலம் இவற்றை கட்டுப்படுத்திக் கொள்ளலாம்.

பன்றிக் காய்ச்சல் (Swine flue) என்பது H1N1 எனப்படும் influenza virus இனால் எமது சுவாசத் தொகுதியில் பாதிப்பை ஏற்படுத்துகின்ற ஒரு நோயாகும்.

இந்த H1N1 வைரஸ் காலத்துக்கு காலம் தனது மேற்பரப்பிலுள்ள புரதத்தின் தன்மையை மாற்றி, எமது உடலின் நிர்பீடனத்தொகுதியிலிருந்து தப்பித்து நோய்த்தொற்றில் ஈடுபட்டு வருகின்றது. இன்றைய காலப்பகுதியில் இலங்கையில் இந்நோயானது வேகமாகப் பரவி வருகின்றமை நாம் அறிந்ததே.

 இவ்வாறான இன்புளுவென்சா காய்ச்சல் ஒவ்வொரு வருடமும் ஏற்படுகின்றது. குளிர்வலய நாடுகளில் குளிர் காலத்தில் இக் காய்ச்சல் பொதுவாகப் பரவுகின்றது. ஆனால் இலங்கை, இந்தியா போன்ற வெப்ப வலய நாடுகளில் வருடம் முழுவதும் நோயத்தொற்றல் ஏற்படலாம். இலங்கையில் November,December, January, மாதங்களிலும் May, June, July மாதங்களிலுமே அதிகளவு தொற்று ஏற்படுகின்றது.

இது மனிதர்களை மாத்திரமன்றி பறவைகள், விலங்குகள் என்பவற்றையும் தாக்குகின்றது.சில வேளைகளில் பறவைகள், விலங்குகளில் நோயை ஏற்படுத்தும் வைரஸ்களும் மனிதரில் நோயை ஏற்படுத்தும் வைரஸ்களும் இணைந்து அதிக வீரியமுள்ள நோய் எதிர்ப்புச் சக்திக்குக் கட்டுப்படாத புதிய வகை வைரஸை உருவாக்கி அதிவீயமுள்ள நோயை மனிதரில் உருவாக்கும். எனவே இக்காலகட்டத்தில் வீட்டில் உள்ள பிராணிகள் விடயத்தில் கவனமாக நடந்து கொள்ள வேண்டும்.

*நோய் அறிகுறிகள்*

காய்ச்சல், இருமல், தொண்டை வலி, மூக்கடைப்பு, மூக்கிலிருந்து நீர் சிந்துதல், தலையிடி, தசை வலி, மூட்டு வலி, களைப்பு, போன்றவை பொதுவான அறிகுறிகளாகும். சிலருக்கு பசியின்மை, வாந்தி போன்றவையும் ஏற்படலாம்,சிலருக்கு வயிற்றோட்டமும் ஏற்படலாம்.

*நோய் பரவும் முறை*

டெங்கு நோயைப் போலன்றி இது மிக வேகமாக பரவக்கூடியதாகும். நோயாளி ஒருவர் தும்மும் போதும் இருமும் போதும் சிறுதுளிகள் காற்றில் பரவி அருகில் உள்ளவர்களின் சுவாசப்பாதை வழியாக சென்று நோயை ஏற்படுத்துகின்றது. நோயாளியையோ அவர் பயன்படுத்திய பொருள்களையோ தொட்டு விட்டு கண், வாய், மூக்கு போன்ற பகுதிகளைத் தொடும் போது பரவலாம். நோயாளி தொட்ட ஆளிகள்( switch) கதவு Lock, சாவி மற்றும் காசு போன்றவை மூலமும் பரவலாம்.

H1N1 தொற்று ஆரோக்கியமான இளைஞர், யுவதிகளில் சாதாரண காய்ச்சலையே ஏற்படுத்தும், 2 வயதுக்குட்பட்ட குழந்தைகள், 65 வயதுக்கு மேற்பட்டவர்கள், கர்ப்பிணித் தாய்மார்கள், நீரிழிவு நோயாளிகள், இருதய நுரையீரல் சம்பந்தமான நோயாளிகள், சிறுநீரக மாற்றுச் சத்திரசிகிச்சை செய்து கொண்டவர்கள் இந்த நோயால் கடுமையாகப் பாதிக்கப்பட இடமுண்டு. 

*நோயை தடுக்கும் வழிகள்*

நோய் வாய்ப்பட்டவர்கள் சில வழிமுறைகளைக் கடைப்பிடிப்பதன் மூலம் அது மற்றவர்களுக்குத் தொற்றாமல் பாதுகாக்கலாம். தும்மும் போதும் இருமும் போதும் கைக்குட்டையையோ ரிசுப் பேப்பரையோ உபயோகித்து முகத்தை மூட வேண்டும். அதே போல பயன்படுத்திய கைக்குட்டைகளைச் சவர்க்காரமிட்ட நீரில் துவைக்க வேண்டும். அத்துடன் நோய் வாய்ப்பட்டவர்கள் சனக்கூட்டங்களுக்குச் செல்வதையும் பொது போக்குவரத்துச் சாதனங்களைப் பயன்படுத்துவதையும் தவிர்க்க வேண்டும். நோய்வாய்ப்ட்டவர்களும் அவர்களைப் பராமரிப்பவர்களும் முகக் கவசம் ( Face Mask) அணிவதன் மூலமும் ஓரளவு நோய்தொற்றலைத் தடுக்க முடியும். கைகளை அடிக்கடி சவர்க்காரமிட்டுக் கழுவுவதன் மூலமும் நோய் பரவலைக் கட்டுப்படுத்தலாம்.ஒரு வாரம் செல்லும் வரை ஓய்வெடுக்கலாம்.
 *புகைப்பிடிப்பவர்களை இந்த நோய் அதிகம் தாக்கும் என்பதால் புகைத்தலை தவிர்ப்பது நல்லது.*


நோய்த்தொற்றில்லாதவர்கள் சில நடவடிக்கைகளை பின்பற்றுவதன் மூலம் நோயை தவிர்ந்து கொள்ளலாம். சனங்கள் கூடும் இடங்களுக்கு அவசியமின்றி செல்ல வேண்டாம், தடிமல் நோய் அறிகுறி உள்ளவர்களிடம் தள்ளியிருங்கள், எப்பொழுதும் கைகளை கழுவி சுத்தமாக வைத்திருங்கள்.தேவையற்ற விதத்தில் அடிக்கடி மூக்கு, வாய் போன்றவற்றை தொடாதீர்கள். இருமல் அல்லது தும்மல் ஏற்படும் போது டிசு கடதாசி அல்லது கைக்குட்டை இல்லாதவிடத்து மூக்கையும் வாயையும் மூடிக்கொள்வதற்கு உள்ளங்கைக்கு பதிலாக முழங்கையின் உட்புறத்தை பயன்படுத்துங்கள். பாவித்த டிசு கடதாசியை பாதுகாப்பாக வீசியெறியுங்கள்.

*நோய்வாப்பட்டால்??*

நோய்வாய்ப்பட்டவர்கள் நன்கு ஓய்வு எடுக்க வேண்டும். சூப், கஞ்சி, இளநீர் போன்ற நீராகாரங்களை அதிகளவு பருக வேண்டும். வலி, காய்ச்சல் இருப்பின் Paracetamol மாத்திரைகளை வைத்தியரின் ஆலோசனையின் படி பயன்படுத்த வேண்டும். முன்பு ஆரோக்கியமாகவிருந்த இளைஞர், யுவதிகள் வீட்டிலிருந்தே அருகிலிருக்கும் வைத்தியரை ஆணுகிச்சிகிச்சை பெறலாம். அனைவரும் அரச வைத்தியசாலைக்கு வரவேண்டியதில்லை. ஆனால் கர்ப்பிணிகள், 65 வயதுக்கு மேற்பட்டவர்கள், நீண்டகால சிறுசீரக, ஈரல், இருதய , நுரையீரல் நேய்கள் உள்ளவர்கள் வைத்திய நிபுணர் ஒருவரின் ஆலோசனை பெறல் அவசியமாகும். அவர்களில் அபாயகரமான அறிகுறிகள் இருப்பவர்கள் வைத்தியசாலையில் அனுமதிக்கப்படவேண்டும்.

மேலும் மூச்சுவிடச் சிரமப்படுபவர்களும் Pneumonia இருப்பதற்கான அறிகுறிகள் உள்ளவர்களும் தொடர்ச்சியான வாந்தியால் போதிய நீராகாரங்களை எடுக்க முடியாதவர்களும் வைத்தியசாலையில் அனுமதிக்கப்படவேண்டும்.

டெங்கு காய்ச்சலும் இதே போன்ற ஆரம்ப அறிகுறிகளைக் கொண்டிருப்பதால் ஆரம்பத்திலேயே குருதிப் பரிசோதணை செய்வது சிறந்தது. 

*கர்ப்பினிகள் மற்றும் புதிதாக குழந்தை பிரசவித்த தாய்மார்களுக்கு காய்ச்சல் ஏற்படின்  ஏற்பட்ட முதல் நாளிலேயே வைத்தியசாலையில் அனுமதிக்கப்பட வேண்டும்*

- Dr. Anfas farook

மரணம் வாழும் பூமிக்காக கோபம் கொள்ளக் கூடாதா?

முஹம்மத் பகீஹுத்தீன்

சிரியாவில் மீண்டும் நச்சு வாயு குண்டு வீச்சு. 100 பேர் மரணம் 400 காயம் என பாதிப்பு ஆரம்பம். தாக்குதல் மீண்டும் தொடர்கிறது. ஏன் என்று கேட்க ஆளில்லை.

பாதிக்கப்பட்ட சிறுவர்கள் நிர்வான நிலையில் புழுக்களைப் போல் துடிப்பதை பார்த்த கண்கள் நிம்மதியாக தூங்கும் என்றிருந்தால் நிச்சயம் மனிதம் மறந்த படைப்புக்கள் அவை. மனட்சாட்சியற்ற ஜடங்கள். உயிருடன் வாழும் பிணங்கள்.

விச வாயுவின் தாக்கம் உயிரை பறிக்கிறது. வாய் பிதற்றும் குழந்தைகள் வளைந்து நெலிந்து மடிகின்றார்கள். அப்புறம் உயிர் பிரியும் ஒசை காதில் கேட்கிறது. நெஞ்சு வெடிக்கப் பார்க்கிறது.

முஸ்லிம் உலகம் வழமைபோல் காகிதத்தல் கிறுக்கிய எழுத்துக்களை பறக்கவிட்டு விட்டு அமைதியடைகிறது. ஐயோ பாவம்! பாவமறியா சிசுக்களையும் பால்மறவா குழந்தைகளையும் அபலைப் பெண்களையும் மரணத்தின் ஓசையை வெளிப்படுத்தும் பாலகர்களையும் காப்பாற்ற யாரும் இல்லையே! ஆனால் உலக முஸ்லிம் சனத்தொகை 200 கோடி என பெருமையாக கூறுவதற்கு எல்லோரும் உண்டு.?

எழுபதுகளின் நடுப்பகுயில் ஒரு நிர்வான படம் வியட்நாம் போரையே நிறுத்தியது. எழுபது வருடங்களாக முஸ்லிம் உயிர்கள் காவு கொள்ளப்படுகின்றன. ஏன் என்று கேட்க ஒரு ஈ, காக்கா கூட இல்லை.

1972ம் ஆண்டில் வியட்நாம் யுத்தத்தின் போது சர்வதேசிய ரீதியாக தடுக்கப்பட்ட நேபாம் விச வாயு குண்டுகளை அமரிக்கா வீசியபோது ஒரு கிராமம் பற்றியெரிந்தது. அங்கே ஒரு வியட்நாம் சிறுமி எரிகாயங்களுடன் நிர்வானமாக பாதையில் 'சுடூது.. சுடூது' என்று கண்ணீர் மல்க அழுது கொண்டு ஓடினாள். அப்போது அவளுக்கு வயது ஒன்பது.

நிர்வானமாக பாதைவழியே ஓடிச் சென்ற 'முiஅ Phரஉ' எனும் வியட்நாம் சிறுமியின் படம் உலகை உலுக்கியது. போர் தொடுத்த அமரிக்காவிற்கு சங்கடத்தை கொடுத்தது. போரை நிறுத்துவதற்கு அந்தப் படம் பிரதானமான காரணமாக அமைந்தது.

அந்தப் புகைப்படத்தை எடுத்த 'நிக்வூட்' எனும் புகைப்படக் கலைஞர் உலக அரங்கில் ஒரு நட்சத்திரமாக மதிக்கப்பட்டார். உலகப் புகழ் பெற்ற பல விருதுகள் அவருக்கு கிடைத்தன. மேற்குலகம் நிக்வுட்டை பாராட்டியது.

ஆனால்...
பலஸ்தீன் சிறுவன் 'திர்ரா' தந்தையின்; மடியில் தஞ்சம் புகுந்தும் கூட சுட்டுக் கொள்ளப்பட்டதை உலகம் கண்டது.

உலகை அழவைத்த சிரியாவின் அந்தச் சிறுவன் இம்ரானின் புகைப்படம் நினைக்கும் போதே நெஞ்சு வலிக்கிறது. இடிபாடுகின் இடுக்குகளிலிருந்து மீட்டெடுத்த அந்த சிறுவனின் காட்சியை ஒளிபரப்பிய அமரிக்க செய்தித் தொகுப்பாளர் அந்த புகைபடத்தின்மீது அழுது புரண்ட காட்சியை உலகம் கண்டது.

துருக்கிய கடக்கரையில் சடலமாக ஒதுங்கிய மூன்று வயது பாலகன் 'ஈலான் குர்தி' யின் பரிதாபத் தோற்றம் இன்னும் கண்களை விட்டு அகலவில்லை.

அன்று ஒரு புகைப்படம் போரை நிறுத்தியது. இன்று பல நூறு புகைப்படங்கள் அறபுலகத்தின் உணர்வுகளை இன்னும் உசுப்பவில்லை. மேற்குலகம் அந்தப் புகைப்படங்களை பார்த்தும் பார்க்காமலே போகிறது.

உயிர் பிரியும் வேiயில் சிரியா நாட்டின் ஒரு குழந்தை 'நான் எல்லாவற்றைம் அல்லாஹ்வடம் போய் சொல்வேன்' என உரத்துக் கூறிவிட்டு சென்றது. பூமியின் நீதியில் நம்பிக்கை இழந்த குழந்தை வானத்தின் நீதியின் பக்கம் திரும்பியது. நிச்சியமாக வானத்தின் நீதி ஒரு கை பார்க்கும். அப்போது புரியாத பல உண்மைகள் புரியும். நிச்சயமாக வேடிக்கை பார்த்த மௌனங்களுக்கு தண்டனை கிடைக்கும்.

இனியும் இந்த உள்ளங்கள் கோபம் கொண்டு பொங்கி வராவிட்டால் மனிதம் இழந்த ஜடங்கள் என்பதில் சந்தேகமில்லை. உயிரை இழந்தோம் உடமை இழந்தோம் உணர்வை இழக்க முடியுமா?

சிரியா துகில் உரியப்பட்ட நிலையில் கதறுகிறது. அதன் குழந்தைகள் ஆடைகள் இழந்த நிலையில் மரணத்தை தழுவுகிறார்கள்.
அங்கே மரணம் வாழுகிறது. இங்கே ஏன் மனிதம் சாகவேண்டும்.?!