USFOORUL JANNAH

🍃🍃🍃🍃🍃🍃🍃🍃🍃🍃🍃🍃🍃🍃🍃

*நியாயமான என் பொறாமை...*

 *(உண்மை அனுபவத்துக்குக்*  
              *கொஞ்சம் தமிழ்*       
              *பூசியுள்ளேன்...)*

               சில்மியூராள் 
             ரூமி ரிஸானா
                  20170208

அல்குர்ஆனுக்கும் நமக்குமான தூரம் எவ்வளவென்று ஒரு நொடி உள்ளத்தைக் கேட்டுப் பார்ப்போமா..?

உயிர்க்கோதி, உள்ளத்தின் சிக்கெடுக்கும் குர்ஆனுக்குள் தொலைந்து போக நம்மில் எத்தனை உள்ளங்கள் அவாக் கொள்கின்றன...?

ஒவ்வொரு பெப்ரவரி மாதமும் 8ஆம் திகதி நாம் இருவரும் சந்திப்பதாக இரண்டு வருடங்களுக்கு முன்னால், ஒரு ஒப்பந்தத்துடன் மஷூரா செய்தோம்... ஆம் இன்றோடு சரியாக இரண்டு வருடங்களாகி விட்டன... 

அந்த ஒப்பந்தம் ; *ஒவ்வொரு வருடமும் பெப்ரவரி 8ஆம் திகதி சந்திப்போம்... அப்போது நாம் எத்தனை முறை அல்குர்ஆனை ஓதியுள்ளோம் எனப்பார்ப்போம்...*

வாழ்க்கையில் எது எதற்காகவோ எல்லாம் போட்டி போடுகின்றோம்... வாழ்வுக்கும் மறுமைக்கும் சேர்த்து எதையாவது கொஞ்சம் கட்டுச் சாதனமாக்கிக் கொள்ளும் ஒரு விருப்பின் விளைவு தான் இந்தப் போட்டி...

கடந்த வருடம் இதே நாள் மாலை ஐந்து முப்பது இருக்கும்... பல்கலைக் கழல நூலக முன்றலில் சந்தித்தோம்...

யார் அந்த அடுத்த நபர் என்று கேட்கின்றீர்களா..?
என் ஊர் சகோதரி, பாடசாலைத் தோழி, என்னை விட இளையவள், இப்போது இங்கும் நாம் நம் நட்பைத் தொடர்கின்றோம்... என் செல்லமான ஈமானியத் தோழி, ஜூனியர்... *சமீ...* அல்ஹம்துலில்லாஹ்... ஈமானியத் தோழமை கிடைப்பது நிஃமத்... 

*இன்னீ உஹிப்புக பில்லாஹ்..*

கடந்த ஆண்டும் அவள் தான் என்னிலும் அதிகமாகக் குர்ஆனை ஓதியிருந்தாள்... எண்ணிக்கையை சரியாக மறந்து விட்டேன்... ஒரு குட்டிப் பரிசை வழங்கி சந்தோசப்பட்டு, நியாயமாகக் கொஞ்சம் பொறாமைப்பட்டு விடை பெற்றேன்...

இன்று இரண்டாவது வருடம் ; இன்றும் அவளே வெற்றி பெற்றாள்... இப்போதும் ஆகுமான பொறாமை... மாஷா அல்லாஹ்... நீங்களும் பொறாமைப் படலாம்... அவள் மொத்தமாக *96+* தடவை முழுக் குர்ஆனையும் ஓதி முடித்து விட்டாள்... நான் வெறும் 18 தடவைகள் மட்டுமே... இப்போது கைசேதப்படுகிற்றேன் ; நேரத்தை வீணாக்கி விட்டதற்காய்...

பட்டதை சொன்னேன்... படிப்பினைக்காக... நல்ல விடயங்களில் போட்டி போடுங்கள்... 
நன்மைக்காகப் பொறாமை கொள்ளுங்கள்... 

*இதில் படிப்பினை இருந்தால் பகிர்ந்து கொள்ளுங்கள்...* *யாரேனும் இதிலிருந்து ஒரு துளி நன்மைக்கான வழி செய்தாலும் நமக்கும் நன்மையே...*

நியாயமான பொறாமையுடன் அடுத்த வருடமாவது அதிகம் அதிகம் குர்ஆனை ஓதுவேன் என மனம் முடிவெடுத்துக் கொண்டது ; இன்ஷா அல்லாஹ்...

_*மறை வார்த்தைகள் யாருக்கு வாழ்க்கையானதோ, அவர்களே நாளை மறுமையில் வாழ்த்தப்டுவார்கள்...*_

            _8 பெப்ரவரி, 2017_

🍃🍃🍃🍃🍃🍃🍃🍃🍃🍃🍃🍃🍃🍃🍃