USFOORUL JANNAH

🍃ரமழான் : அருட்கொடை.🍃

✍🏻பாதிமா ஷமீரா அப்துல் வாஹிட்
சில்மியாபுர

மனிதனை தூய்மையாக்கி, பாவங்களை விட்டும் தூரமாக்கி, இறையச்சத்தையும் நேசத்தையும் உருவாக்கிடும் ரமழான் மாதத்தை நாம் அடைந்திருக்கிறோம். அல்ஹம்துலால்லாஹ். 
எம்மோடு இருந்த எத்தனையோ பேர் இன்று எம்மோடு இல்லை.
ஏன் இப் புனித மாதத்தை எதிர்பார்த்த வண்ணம் காத்திருந்த சில உறவுகள் கூட வெள்ளத்திலே இறந்தனர். இன்னாலில்லாஹ். 
அல்லாஹ் அவர்களைப் பொருந்திக்கொள்வானாக. (ஆமீன்.)
அவர்களுக்கு  எல்லாம் கிடைக்காத அந்த பாக்கியம் எங்களுக்கு கிடைத்து இருக்கின்றது என்றால் நிச்சயம் நாம் அனைவரும் பாக்கியசாளிகள் தான். அதற்காகவே நாங்கள் அல்லாஹ்வுக்கு அதிகம் நன்றி செலுத்த கடமைப்பட்டிருக்கிறோம். 

இம்மாதம் எத்தகைய சிறப்பு மிக்கதென்றால் இந்த மாதத்திலே தான் அல்குர்ஆன் இறக்கப்பட்டது.
அல்லாஹ் அல்குர்ஆனிலே கூறுகின்ற சங்கைக்குரிய நான்கு மாதங்களுள்  ரமழானும் ஒன்று. மேலும் அல்லாஹ் இப்புனித ரமழானிலே நரக வாயில்களை மூடி சுவனத்து வாயில்களைத் திறந்து விடுகிறான். ரமழானின் ஒவ்வொரு இரவிலும் அல்லாஹ் நரகவாசிகளை விடுதலை செய்கிறான். இன்னும் ஷைதானுக்கு விளங்கிடுகிறான். 
இப்படியாக இப்புனித மாதத்தின் சிறப்புகளை அடுக்கிக் கொண்டே போகலாம்.

இம்மாதத்தில் நோன்பு நோற்பதற்கான காரணத்தை அல்லாஹ் கூறும்போது 
" நம்பிக்கை கொண்டோரே நீங்கள் (இறைவனை) அஞ்சுவதற்காகவே உங்களுக்கு முன் சென்றோர் மீது கடமையாக்கப்பட்டது போன்று உங்களுக்கும் குறிப்பிட்ட நாட்களில் கடமையாக்கப்பட்டுள்ளது. 
(அல்குர்ஆன் - 2:184)

நோன்பு கடமையாக்கள்பட்ட நோக்கமே அல்லாஹ்வை அஞ்சுவதற்காக என அல்லாஹ் கூறுகின்றான். 
மேலும், நோன்பு எனக்குரியது. அதற்கான  கூலியையும் தானே வழங்குவதாக அல்லாஹ் கூறுகின்றான்.

அல்லாஹ் எம்மிடம் இருந்து எதிர்பார்ப்பது தக்வா என்ற ஒன்றை மட்டும் தான்.  நாம் இந்த மாதத்திலே தக்வாவை வளர்க்க அதிகம் முயற்சி செய்ய வேண்டும். இம்மாதத்திலே அதிகமான அமல்களில் ஈடுபட வேண்டும். ஒரு பர்ளுக்கு 70பர்ளுடைய நன்மைகளையும், ஒரு சுன்னத்துக்கு ஓரு பர்ளுடைய நன்மைகளையும் தருவதாக அல்லாஹ் வாக்களித்துள்ளான். எனவே அதிகம் அதிகம் அமல்கள் செய்து நன்மைகளை கொள்ளையடித்துக் கொள்வதோடு ஈமானையும் உறுதியாக்கிக் கொள்ள முயற்சிக்க வேண்டும். 

இந்த ரமழானுடைய மாதத்திலே அதிகம் நன்மை தரக் கூடிய , என் நாளாந்த வாழ்க்கையில் நான் கடைபிடித்து வரும் சில விடயங்களை இங்கு பதிவிடுகின்றேன்..
முடிந்தால் பின்பற்றுங்கள்..
பயனுடையது எனக் கருதினால் பகிருங்கள் ....

பர்ளான தொழுகைகளை உரிய நேரத்துக்கு நிறைவேற்ற முயலுங்கள்.
சுன்னத்தான தொழுகைகளையும் முடிந்த அளவு நிறைவேற்றுங்கள். அல்லாஹ் அதிகமான நன்மைகளை அள்ளித்  தருவதாக வாக்களித்துள்ளான். 

அதிகம் அதிகம் குர்ஆனை ஓதுங்கள் . குறைந்தது இந்த ரமழானில் 10 முறையாவது குர்ஆனை ஓத முயலுங்கள். ஒரு எழுத்துக்கு 10 நன்மைகள் எழுதப்படுகின்றன. 
நாளை கப்ரில் எமக்காக அல்லாவிடம் சிபாரிசு செய்து மன்றாடக் கூடியது இந்த குர்ஆன் மட்டும் தான். 

ஒவ்வொரு வேலையையும் அல்லாஹ்வுக்காக என்ற தூய எண்ணத்தோடு நிறைவேற்றுங்கள். நல்ல எண்ணங்களினாலே நல்ல செயல்கள் பிறக்கின்றன. எண்ணங்களுக்குக் கூட அந்தக் கருணையாளன் கூலி தருகின்றான்.

அதிகமாக செய்த பாவங்களை எண்ணி இஸ்திஹ்பார் செய்யுங்கள். எந்த பாவங்களையுமே செய்யாத நபி(ஸல்)அவர்கள் கூட ஒரு நாளைக்கு 100 தடவை இஸ்திஹ்பார் செய்துள்ளார்கள்.
மீண்டும் அதே பாவத்தில் ஈடுபட மாட்டேன் என உறுதி கொள்ளுங்கள்.

ஒவ்வொரு நாளும் ஒருவருக்காவது நோன்பு திறப்பதற்கு உதவுங்கள். அதற்கான கூலியை அல்லாஹ்விடம் மட்டுமே எதிர்பாருங்கள். 

அதிகமாக திக்ர் செய்வதை வழக்கமாக்கிக் கொள்ளுங்கள். 
நடையாகவோ அல்லது வாகனத்திலோ பயனிக்கும் போது கூட திக்ர் செய்யுங்கள். அது மன அமைதியைக் தரும். அல்லாஹ்வுடன் உங்களை நெருக்கமாக்கும். 

உங்களது பெற்றோர், சகோதரர்கள், உறவினர்கள், நண்பர்கள், ஆசிரியர்கள் என அனைவருக்காகவும் பிரார்த்தனை செய்யுங்கள்.  இவர்கள் உங்கள் வாழ்க்கையின்  ஏதோ ஒரு கட்டத்தில் உங்களுக்காகவே இருந்தவர்கள். 
மறக்காமல்  உங்கள் துஆக்களில் எமது பல்கலைக்கழகத்தையும், மற்றும் எமது நாட்டு முஸ்லிம்களையும் சேர்த்துக் கெள்ளுங்கள். 
ஒருவருக்காக மறைமுகமாக கேட்கப்படும் துஆ அல்லாஹ்விடத்தில் மிகவும் ஏற்புடையது. 

இந்த ரமழான் உங்களது இறுதி ரமழானாகக் கூட இருக்கலாம். எனவே இமமாதத்தின் ஒவ்வொரு நிமிடத்தையும் மிகவும் பயனுடையதாக கழியுங்கள். 
உங்கள் ஈமானை பலப்படுத்தி அதிகப்படுத்திக் கொள்ள முயற்சி செய்யுங்கள்.
இந்த ரமழானில் பெற்ற பயிற்சியை கொண்டு எதிர்வரும் காலங்களிலும் செயற்பட முயற்சி செய்யுங்கள்.
இந்த நிமிடம் கூட நிரந்தரம் இல்லை என்பதை மறந்து விடாதீர்கள்.
 அல்லாஹ் எம் அனைவரையும் பொறுந்திக்கொள்வானாக. ஆமீன்.

உண்மையான அறிவு அல்லாஹ்விடம் உள்ளது. 
என் அறிவுக்கு  எட்டிய வகையில் நன்மை தறக்கூடியது என நினைக்கும் ..
நான்  செய்யும்  விடயங்களை இங்கே விட்டுச் செல்கிறேன் ..
குறைகள் அனைத்தும் என்னையும்,
நிறைகள்  அனைத்தும் அல்லாஹ்வையும் சாரும்.

அல்ஹம்துலில்லாஹ்.