USFOORUL JANNAH

*💠கம்பளம் விரிக்க காத்திருக்கும் ரய்யான்!💠*

★ அஷ்ஷெய்க் ஜெம்ஸித் அஸீஸ் (நளீமி) ★
.
Shared By: PiraiNilas MEDIA​
(Silmiyapura, Srilanka)
+94778 75 65 75
.
. 
உலகம் ஒரு பரீட்சை மண்டபம்
ரமழான் அதில் விஷேட பரீட்சை
மாதம் முழுக்க பயிற்சி
உடலுக்கும் உள்ளத்துக்கும்!

ரமழான்- அது
உள்ளத்து நோய்கள் போக்க
ஏக அதிபதி அனுப்பி வைத்த மருந்துச் சீட்டு!

மனவெளியின் சந்தனத் தோப்புக்களில்
ஈமானியப் பறவை கூடு கட்டும் காலம் இது!

இறைவனின் கருணைச் சுடர்கள்
ஒளிர்ந்து பிரகாசிக்கும் பருவ காலம் இது!

நரகக் கூண்டுகள் அடைக்கப்பட்டு
சுவன மாளிகைகள் அலங்கரிக்கப்படும் மாதம் இது!

ஆன்மிக வெளிச்சம் ஏற்றி வைக்க 
மலக்குகள் அணிவகுக்கும் காலம் இது!

அலைபாயும் ஆசைகளை
அடக்கி வைத்துப் பயிற்றுவிக்கும் கடிவாளமிது!

விரல் நுனிக்கு வந்து விட்ட
விரசங்களின் கழுத்துக்கு கத்தி வைக்க
கனிந்திருக்கும் காலம் இது!

வயிறு பட்டினி கிடப்பதனால் தான்
ஆன்மாவின் வயிறு நிரம்பி வழிகிறது!

குடல் காய்ந்து வற்றிப்போவதனால் தான்
ஈமான் பெருக்கெடுத்துப் பாய்கிறது!

தேக வரட்சியினால் தாகம் எடுக்க
உள்ளம் புரட்சி கீதம் இசைக்கிறது!

இறையை நெருங்க
இன்ஸான் புறப்படும்
ஓர் ஈமானியப் பயணம் ஆரம்பமாகிறது!

வான்மறை வந்த மாதம்!
வாழ்வதற்கு வழிபிறந்த மாதம்!

இதில் அற்ப அமலுக்கும் நன்மைகள் பெருகும்

ஸுஜுதின் பெருமூச்சில் பாவங்கள் கருகும்

லைலதுல் கத்ர் இரவில்
ஆயிரம் ஆயிரம் சூரியன்கள் உதிக்கும்!
அவை வாழ்வுக்கு பிரகாசம் தரும்
பாவங்களை சுட்டெரிக்கும்!

வாயும் நோன்பு
வயிறும் நோன்பு

நாவும் நோன்பு
நாளமும் நோன்பு

கரமும் நோன்பு
கல்பும் நோன்பு

தசையும் நோன்பு
அசைவும் நோன்பு

என்பும் நோன்பு
எண்ணமும் நோன்பு

விழியும் நோன்பு 
வழியும் நோன்பு

தொடையும் நோன்பு
தாடையும் நோன்பு

பேச்சும் நோன்பு
மூச்சும் நோன்பு

சிரசும் நோன்பு
சுவாசமும் நோன்பு...

கற்பும் நோன்பு
கண்ணும் நோன்பு என்றால்
நிச்சயமாக மின்னும் நோன்பு!

விண்ணும் மண்ணும் பூத் தூவ
ஹூருல் ஈன்கள் கண் சிமிட்ட
ரய்யான் கம்பளம் விரிக்கும்!

*சிந்தியுங்கள்...செயல்படுங்கள்...* 
.
 *படியுங்கள்... பகிருங்கள்...* 
.
-------------------------------------------------
 *படித்ததில் பகிர்வது (272)* 
    05  - MAY - 2019
-------------------------------------------------
.
💎❄💎❄💎❄💎❄💎❄
.
 *PiraiNilas MEDIA* உடன் இணைய:
உங்கள் பெயர் முகவரியை *Whatsapp* இல் அனுப்பவும்
(broadcast / Not a Group )
+94778756575
.
 *Twitter:* @PiraiNilas
SMS: Type: F PiraiNilas & send 40404 
Link: www.twitter.com/PiraiNilas
.
 *Facebook Page:* PiraiNilas MEDIA
https://www.facebook.com/PiraiNilas