USFOORUL JANNAH

இதை வாசிப்பவர்களின் கவனத்திற்கு...

   நீங்கள் கட்டாயம் வாசிக்க வேண்டும் என்ற எந்த நிர்ப்பந்தமுமில்லை. ஆனால் வாசிப்பதாயிருந்தால் முழுமையாக வாசிப்பது நன்று.

இது கட்டுரையொன்றல்ல. 
எனவே ஒரே மூச்சில் படித்துமுடிப்பதற்கு பதிலாக சற்று நிறுத்தி நிதானித்து வாசித்துச் செல்வது பொருத்தம் என்று நினைக்கிறேன்.

---------------

 இந்த ஆக்கம் என்னதென்றால் நீங்கள்

- தொழில்செய்பவராகவோ
- கல்விக்கூடங்களில் படிப்பவராகவோ
- வீட்டுத் தலைவியாகவோ
- மாணவராகவோ
- ......

   எந்த சூழ்நிலையில் இருந்தாலும் சரி இந்த ரமழானை பயன்படுத்திக் கொள்வதற்கான சிம்பிளான 3 கட்ட படிமுறைகளை காட்டித் தருகிறது.

    இதை நடைமுறைப்படுத்தும் எவருக்கும் நிச்சயம் தம் வாழ்க்கையில் ஏதோ ஒரு வகையில் இது நன்மையான தாக்கத்தை ஏற்படுத்தும் என்று எதிர்பார்க்கிறேன். என்றாலும் உத்தரவாதப்படுத்தல்கள் இல்லை. அது உங்கள் கைகளில்! 

    🔴  ரமழானை பயன்படுத்துவதற்கான 
          3 கட்ட படிமுறைகள்.
-----------------------------------------

1. சாதாரணமாக பயன்படுத்தல்.
2. அதிகமாக பயன்படுத்தல்.
3. உச்சகட்டத்தில் பயன்படுத்தல்.

   முழுமையாக படித்துவிட்டு நீங்கள் எந்த படிமுறையில் இந்த ரமழானை பயன்படுத்துவது என்று தீர்மானித்துக் கொள்ளலாம் இன் ஷா அல்லாஹ்.

1 . சாதாரணமாக பயன்படுத்தல்.
^^^^^^^^^^^^^^^^^^^^^^^^^^^^^^^

இந்த படிமுறையில் ரமழானை கழிப்பவர்களுக்கு மற்ற காலங்களை விட ரமழான் சிறப்பாக அமைய பல காரணங்கள் உள்ளன. 

அதில் ஒன்று தான் தான் நபி (ஸல்) அவர்களால் மொழியப்பட்ட, ரமழானுக்கான ஏகப்பட்ட நன்மாராயங்கள். அத்தோடு இறைவன் இந்த ஒரு மாத காலத்திற்கென்று தனித்துவமாக, ஏற்படுத்திய ஒரு சில விடயங்களும் உள்ளடங்கும். 

இந்த சிறப்பியல்புகளால் முதல் படிமுறையில் ரமழானை பயன்படுத்துபவர் அதீத நன்மைகளை சுவீகரித்துக் கொள்வார்.

அவற்றில் சில தான்....
 # பகல் முழுவதும் நோன்பு
 # சுன்னத்களுக்கு பர்ளின் நன்மை
 # ஷைத்தான் விலங்கிடப்பட்டுள்ளமை

 # சுவனத்தின் வாயில்கள் திறக்கப்பட்டும் நரகத்தின் வாயில்கள் மூடப்பட்டுமிருத்தல்.

 # குர்ஆன் ஓதுவதற்கு பல மடங்கு நன்மை.
 # தராவீஹ்.
 # சஹர், இப்தார்
 # etc....

எனவே, சஹருக்கு எழும்புவது முதல் தராவீஹ் முடிந்து படுக்கைக்கு செல்லும் வரை, அதிகமாக நன்மைகளில் ஈடுபடுவதற்கும் தீமைகளை குறைத்துக் கொள்வதற்குமான ஆர்வம் இயல்பாக தொற்றிக் கொள்ளும். இறைவன் ரமழானுக்கென்று ஏற்படுத்திய பாக்கியங்கள் இவை.

இந்த படிமுறையில் ரமழானை கழிக்க திட்டமிடுபவர்கள் தமது நேரத்தை பிரயோசனப்படுத்திக் கொள்வதற்காக பின்வரும் வகையில் உறுதியான சில தீர்மானங்களை எடுப்பதானது, நடுப்பத்துக்களில் வரும் அசௌகரியங்களில் (இயலாமை, சோம்பல்) இருந்து தவிர்ந்துகொள்ள உதவும்.

உதாரணமாக....

*  ஒவ்வொரு நாளும் குர்ஆனில் எவ்வளவு பகுதி 
   ஓதுவது என்று வரையருத்து, விடுபடாமல் 
   இந்த 1 மாதமும் கடைபிடிக்க அதி சிரத்தை 
   எடுத்தல்.

*  குறைந்தது தர்ஜுமாவை முடியுமானளவு 
    வாசிப்பது.

*  தினமும் ரகசியமாக தர்மங்கள் செய்வது

*  இரவு வணக்கத்தை விடாமல் கடைபிடிப்பது.
*  இன்னும்......

~ இந்த படிமுறையில் மாத்திரம் இருந்து ரமழானை பயன்படுத்த முடிவெடுப்பதன் மூலம் - வழமையை விட அதிக நன்மைகளை ரமழானில் ஈட்டலாம். எனவே ரமழான் முடிவதோடு பெருநாள் கொண்டாட்டத்துடன் அனைத்தும் முடிந்துவிடும். 

2 . அதிகமாக பயன்படுத்தல்.
^^^^^^^^^^^^^^^^^^^^^^^^^^^^^^^

இந்த படிமுறையில் ரமழானை பயன்படுத்த திட்டமிடுபவர்கள் 'அதிக நன்மைகளை' ஈட்டிக் கொள்வதோடு (முதல் படிமுறையோடு) சேர்த்து 'ரமழானை ஒரு பயிற்சிக் காலமாக' பயன்படுத்துவார்கள். 

அதாவது இன்னுமொரு பாணியில் சொல்வதென்றால், தொடர்ந்து ஓடிக்கொண்டிருக்கும் ஒரு வாகனத்தை ரிபயார் இற்கு உற்படுத்துவது போல்.

இந்த படிமுறையூடாக ரமழானை எதிர்கொள்ளும் ஒருவர், தனது கடந்த வருடத்தை (இன்று வரை) மீட்டி....
தான் செய்த பாவங்கள், தனது போதாமைகள், தனது நடவடிக்கைகள் என்பவற்றை திரும்பிப் பார்த்து,

அவற்றில் முடியுமானளவு வரை குறைகளை நிவர்த்தி செய்தும், சில புதிய விடயங்களை சேர்த்தும், இந்த ஒரு மாதமும் பயிற்சி எடுத்து, அடுத்த வருடத்தை இவ்வருடத்தை விட ஒரு படி மேல் இறைவனுக்கு நெறுக்கமாக வாழ்வதற்கு முயற்சித்தல்.

அதாவது சிம்பளாக சொல்வதானால், அடுத்த 11 மாதத்திற்கான energy save பண்ணுவது. 

எனவே இவரின் மனநிலை எப்படி இருக்கும் என்றால், ரமழானில் கடந்து செல்லும் ஒவ்வொரு நாளும், தான் ஒரு பயிற்சிப் பாசறையிலிருந்து பயிற்சி பெறுவதாகவே எண்ணுவார். 

யாரும் பயிற்சி காலங்களில் கோட்டை விடுவதில்லை. முழுமையாக பயன்படுத்துவார்கள். காரணம் பயிற்சி என்று வந்தாலே அடுத்தது பரீட்சை என்று ஒன்று இருக்கிறது. அதற்கு வெற்றிகரமாக முகம் கொடுக்க வேண்டுமானால் பயிற்சியில் சறுக்கிவிடக் கூடாது.

உதாரணமாக, 

ஒரு ராணுவ சிப்பாய் ராணுவ முகாமில் பயிற்சி பெற்று முடிந்த கையோடு எங்கு அழைத்து செல்லப்படுவார்? போர் களத்திற்குத்தான். ஏன்? அதற்குத்தான் அவ்வளவு பயிற்சியும் எடுத்ததே. 

இதே மனநிலையில் தான் இந்தப் படிமுறையில் ரமழானை எதிர்கொள்ளுமம் ஒருவரும் இருப்பார். ரமழானில் பெற்ற பயிற்சிகளிக்கான களமாக ஏனைய 11 மாதங்களும் முன்னால் இருப்பதால் வெகு சிரத்தையோடு ரமழானை பயன்படுத்துவார்.

எனவே,

பயிற்சி எடுக்கிறேன் என்ற மனநிலையில் இருப்பவர் ரமழானில் optional ஆக இருக்கும் எல்லா வணக்கங்களையும் தனக்கு கட்டாயப்படுத்திக் கொள்ளல்.

உதாரணமாக....

 # இரவு வணக்கங்கள்
 # முன் பின் சுன்னத்துக்கள்.
 # குர்ஆனை ஓதுதல், படித்தல்.
 # etc....

ஏனென்றால், ரமழானுக்குப் பிறகும் தான் இவற்றை தொடரந்து செய்ய வேண்டும். அதற்கான பயிற்சி தான் இந்த முழு மாதமும் எடுக்கிறேன் என்ற மனநிலையில் தனக்கு கட்டாயப்படுத்திக் கொள்வார்.

* ஒருவர், இனி என் வாழ்வில் ஒரு நாளாவது கொஞ்சமாவது குர்ஆன் ஓதாமல் கழிக்க மாட்டேன் என்று தீர்மானித்தால், இந்த ரமழானில் அதற்கு பயிற்சி எடுக்கலாம்.

* அதே போல், ஒவ்வொரு நாளும் சும்மா 
   வீணாக கழியும் நேரமொன்றில் சிரத்தையோடு 
   இஸ்திஃபார் 100 விடுத்தம் செய்வேன் என்று 
   தீர்மானித்தால், இந்த ரமழானிலிருந்து 
   பயிற்சியை ஆரம்பிக்கலாம். 
   ( 10 நிமிடங்கள் தான் போகும்)

* தன்னிடம் இருக்கும் மிக மோசமான இரண்டு
  பண்புகளை இனி என் வாழ்வில் கைவிடுவது 
  என்று தீர்மானித்தால் அதை தவிர்ந்நு 
  கொள்வதற்கான பயிற்சியை எடுக்கலாம்.

* அத்தோடு தன்னிடமில்லாத இரு 
   நற்குணங்களை வளர்த்துக் கொள்ள இந்த 
   ரமழானை பயன்படுத்தலாம்.

*  அடிக்கடி துஆ கேட்பது

*  சந்தர்ப்ப துஆக்களை ஓத நினைவுபடுத்த 
   பயிற்சி எடுக்கலாம்.

இப்படி ஏராளமாக உள்ளன. எல்லாவற்றையும் தூக்கிப் போட்டு ஒன்றுமில்லாகிவிடாமல் முடியுமானவற்றை தெரிவு செய்து தம்மை பயிற்சிக்கு உட்படுத்திக் கொள்வர்.

( பயிற்சி என்பது மெத்தையில் தடப்பதல்ல முள்ளில் நடப்பது தான். கஷ்டங்கள் இருக்கும். ஆனால் விளைவு அமிர்தமாக இருக்கும்.)

~ இந்த படிமுறையில் ரமழானை பயன்படுத்தும் ஒருவருக்கு ரழமழானின் பயன் பயிற்சியில் தொடங்கி பண்பாட்டில் முடியும் பெருநாளோடு, எல்லாம் முடிந்து போகாது.

.....! ! ! ! ! ! ! ! ! ! ! ! ! ! !.....
அடுத்த படிமுறையை வாசிக்க முன் சற்று ஓய்வெடுத்துக் கொள்வது நன்று.

3 . உச்சகட்டமாக பயன்படுத்தல்.
^^^^^^^^^^^^^^^^^^^^^^^^^^^^^^^^

இந்த படிமுறையில் பயன்படுத்துபவருக்கு, முதல் இரு படிமுறைகளுக்குற்பட்ட விடயங்களோடு சேர்த்து, அவற்றை செய்வதற்குரிய மிகப் பெரும் Motivation  ஆகவும் மிக உந்துதலாகவும் தென்படும் எதுவென்றால்....

இது குர்ஆனின் மாதம்!!!!!!
ரமழான் வஹியின் மாதம்.!!!!!

ரமழானின் அதி அதி விஷேட சிறப்பு என்னவென்று தெரியுமா? 

எந்தளவுக்கென்றால் அல்லாஹ் குர்ஆனில் ரமழானின் ஏனைய எந்த சிறப்பம்சங்களையும் பேசவில்லை இந்த ஒன்றைத் தவிர. இதனை மாத்திரம் அல்லாஹ் குறிப்பிட்டிருப்பது தான் அதன் அதி விஷேடமே. 

ஏனென்றால் ரமழானின் ஏனைய அனைத்து சிறப்புக்களும் நபி (ஸல்) அவர்களாலே கூறப்பட்டுள்ளன. 

ஓகே. அந்த அதி விஷேட சிறப்புத் தான்.                        
‎شَهۡرُ رَمَضَانَ الَّذِىۡٓ اُنۡزِلَ فِيۡهِ الۡقُرۡاٰنُ
"ரமழான் மாதத்தில் தான் குர்ஆன் இறக்கப்பட்டது..."

அதாவது குர்ஆன் இறக்கப்பட்ட மாதம்!!! 
அல்லாஹ், ரமழான் நோன்பின் மாதம் என்று சொல்லவில்லை. என்ன சொல்கிறான் என்றால்...

" ரமழான் மாதத்தில் குர்ஆன் இறக்கப்பட்டது மனித சமூகத்திற்கு நேர்வழி காட்டுவதற்காக......

........ ஆகவே அந்த மாதத்திற்கான பிறை கண்டால் நோன்பு நோற்றுக் கொள்ளுங்கள்...."

ஆக, ரமழான்...

* நோன்பு மாதம். 
   எனவே குர்ஆன் ஓத வேண்டுமா? 

   அல்லது

* குர்ஆனின் மாதம். 
   எனவே நோன்பு நோற்பதா?

யெஸ்! ரமழான் குர்ஆனின் மாதம். எனவே தான் நோன்பு நோற்கிறோம். 

எனவே இந்த 3ம் படிமுறையில் பயன்படுத்துபவருக்கு... முதல் கரிசணை குர்ஆன் தான்! 

அதே போல் ரமழானின் இந்த அதி விஷேட சிறப்புக்கு இன்னும் சிறப்பேற்படுத்தும் அடுத்த விடயம் தான் அல்லாஹ் குர்ஆனிலே கூறுகிறான் 'லைலதுல் கத்ர்' இரவு!!!!!

ரமழான் மாதத்திலும் குறிப்பாக இந்த இரவில் தான் அருள் மிகு குர்ஆன்! இறை வார்த்தைகள்!! இறக்கப்பட்டது!!! அது ஆயிரம் மாதங்களைவிட சிறந்ததென்று இறைவனே கூறுகிறான்!

எனவே குர்ஆனும் ரமழானும் இவருக்கு ஒன்றிலிருந்தொன்று பிரிக்க முடியாமலிருக்கும்! 
இந்த படிமுறையினாடாக ரமழானை பயன்படுத்துபவர் 

 # குர்ஆனை அதிகம் ஓதுவதோடு
 # குர்ஆனை படிப்பார்
 # வாழ்க்கையில் செயல்படுத்த பயிற்சி எடுப்பார்.

 # குர்ஆனின் மொழியைப் படித்து, இறைவனின் 
    வார்த்தைகளிலேயே இந்த அற்புத அருளான
    குர்ஆனை விளங்கிக் கொள்ள பெரிதும்
    ஏக்கத்துடனும் ஆர்வத்துடனும் முயற்சிப்பார்.

ரமழானின் ஒவ்வொரு நாளும் இவருக்கு குர்ஆனுடனான உறவு வளர்ந்து செல்லும் அதே நேரம் அதனை பயிற்சியாகவும் கொள்வார். (2ம் படிமுறைப்படி)

ரஸூலுல்லாஹ் (ஸல்) அவர்கள் அல்லாஹ்விடம் குர்ஆனைக் கேட்டது போல் வேறெதனையும் கேட்டதில்லை! 

ரஸூலுல்லாஹ் (ஸல்) அவர்களின் இந்த துஆவை வாசித்துப் பாருங்கள் கண்ணீர் சொட்டும்!!!

"இறைவா!! நான் உன் அடிமை! உன் அடிமையின் மகன்! உன்னுடைய பெண் அடிமையான என் தாயின் மகன்! என் வாழ்வு உன் கட்டுப்பாட்டிலுள்ளது! நீயே என்னை நிர்வகிக்கிறாய்! என் விடயத்தில் உன் முடிவே நியாயமானது!  உனக்காக எத்தனை பெயர்கள் உள்ளன என்று நீ தீர்மானித்துள்ளாயோ அவற்றைக் கொண்டும், எத்தனை பெயர்கள் உன் வேதத்தில் கூறியிருக்கிறாயோ அவற்றைக் கொண்டும், இன்னும் உன்னுடைய நீ அறிவிக்காத திருப்பெயர்களைக் கொண்டும் நான் உன்னிடம் இறைஞ்சுகிறேன்.!!!😭
திருக்குர்ஆனை என் இதயத்திற்கு வசந்தமாகவும், என்னுடைய கவலைகளுக்கும் துன்பங்களுக்கும் அச்ச உணர்வுக்கும் அருமருந்தாகவும் ஆக்கியருள்வாயாக!!!" 

[அறிவிப்பாளர்: அப்துல்லாஹ் இப்னு மஸ்ஊத் (ரழி)
ஆதாரம்: அஹ்மத்]
(முதல் கமண்ட்டைப்பார்க்க)

இதனை விட பணிவாகவும் அழகாகவும் ஆழமாகவும் யாரால் தான் குர்ஆனைக் கேட்க முடியும்! அந்தளவு இறைஞ்சிக் கேட்டார்கள் ரஸூலுல்லாஹ் (ஸல்)! 

இதையே ரமழானில் அதிகமதிகமாக கேட்கலாம் 3ம் படிமுறையை தெரிவு செய்யும் ஒருவருக்கு. 

இந்த படிமுறையை தெரிவு செய்பவர்....

குர்ஆன் ஆயத்துக்களை வாழ்க்கையாக கொண்டுவர இந்த ரமழானில் பயிற்சி எடுப்பார். 

உதாரணமாக தெரிவு செய்த குர்ஆன் ஆயத்துக்களை படித்து மனனமிட்டு வாழ்க்கையிலும் பின்பற்றும் வரை விட மாட்டார். அதனை படிப்பதற்கும் பின்பற்றுவதற்குமான பயிற்சியை ரமழானில் பெறுவார். 

வாழ்க்கையில் கடைபிடிக்க ஆரம்பித்தவுடன் அந்த குர்ஆன் ஆயத்தை மறந்துவிட்டு அந்த நல்ல விடயத்தை மாத்திரம் கடைபிடிப்பது தவறு. 

உதாரணமாக புறம் பேசக் கூடாது என்று வரும் அந்த ஆயத்தை படித்து, நடைமுறைப்படுத்திக் கொண்டு போகும் போது காலவோட்டத்தில் அந்த குர்ஆன் வசனம் மறந்து போவது பிழை. புறம் பேசக்கூடாது என்று உம் உள்ளத்தில் தொடரும் காலமொல்லாம் இந்த குர்ஆன் ஆயத்தும் நினைவுக்கு வரவேண்டும்.

இப்படியாக குர்ஆனோடு தொடர்பிருக்கும் போது,  ஆத்மார்த்தமான அன்பான உறவு எமக்கும் குர்ஆனுக்கும் இடையில் உருவாகின்றது.

ரமழானின் நாட்கள் இவருக்கு...

* நன்மைகளையும் அள்ளித் தரும். 
   (முதல் படிமுறை)
* அதே போல் அடுத்த 11 மாதத்திற்கான  
   பயிற்சியையும் வழங்கும். 
* அனைத்திற்கும் மேலாய் படைத்த 
   நாயனுடனான அந்நியோன்னிய அன்புப் 
   பிணைப்பும் உறவும் இறைவனது 
   வார்த்தைகளூடாக ஏற்படுத்தும்.

----------------------------------------

இறுதியாக,

நாம் என்ன மனநிலையில் ரமழானை அடைகிறோம் என்பதனைப் பொருத்தே ரமழானினால் பெற்றுக் கொள்ளும் அடைவுகளும் வேறுபடும். 

சாதாரண நோக்கத்துடன் ரமழானை எதிர்கொண்டு முதல் படிமுறையில் பயன்படுத்துவதா 

அல்லது பயிற்சியாக மாற்றி வருடம் முழுவதும் பயன்பெறும் வகையில் அமைத்துக் கொள்வதா

அல்லது அதற்கும் மேலாய் ரமழானின் அடிப்படை நோக்கமான குர்ஆனுடனான உறவை வளர்த்துக் கொள்வதில் பயிற்சி பெறுவதா

என்பதை தீர்மானிப்பது எமது கைகளிலே தங்கியுள்ளது. 

தீர்மானிப்போம். இன்றிலிருந்தே ஆரம்பிப்போம்.